Mellin de Saint-Gelais (vers 1491-1558)- poète français - d'un luth

Mellin de Saint-Gelais (vers 1491-1558), poète français de la Renaissance, qui eut les faveurs de François Iᵉʳ et de Henri II.

D’un Luth

O Luth, plus estimé present

Que chose que j’aye à present,

Luth de l’honneste lieu venu

Où mon coeur est pris & tenu :

Luth qui respons à mes pensées

Si tost qu’elles sont commencées :

Luth que j’ay faićt assez de nuits

Juge & tesmoin de mes ennuis,

Ne pouvant voir au près de moy

Celle qui t’eust au près de soy.

Je te suppli’ fay moy entendre

Comme touchant à la main tendre

Ton bois s’est garenti du feu ,

Qui si bien esprendre ma seu :

Et s’il se pourroit bien esteindre

Par souvent chanter, & me plaindre:

Que pleust à dieu, Luth, que ta voix

Peust aller où de-coeur je vois,

Tant que mon torment bien oui

En peust rapporter un ouy :

Lors tu me serois plus de grace ,

Qu’onc n’en fist la harpe de Thraces

Qui faisoit les montaignes suyvre :

Car tu ferois un mort revivre.